சவுக்கு!! ஒரு டவுட்டு??

சவுக்கு தளத்தை பற்றி எத்தனை பேருக்கு அவர் கைது செய்யப்படுவதற்கு முன் தெரியும் என்று தெரியவில்லை. ஆனால் அந்த தளம் பல நாட்களுக்கு முன்னரே நமது கவனத்துக்கு வந்தது. அதில் பல கட்சியினரையும் பற்றி விமர்சித்து இருக்கிறார்கள். நிஜமாகவே பக்கச் சார்பற்றவர்களோ என்று எண்ண விழையும் போது தான் சில இடுகைகள் கண்ணில்பட்டது. அதை வாசித்த பின் தான் சவுக்கை பற்றிய இந்த டவுட்டு வந்தது

சவுக்கு தளத்துக்கும் நக்கீரனுக்கும் அப்படி என்ன தான் பிரச்சினை என்று தெரியவில்லை. எதைப் பற்றி எழுதினாலும் நக்கீரனை சுற்றி சுற்றியே எழுதுகிறார்கள். அந்த தளத்தை சமீபத்தில் பார்வையிடும் வாய்ப்பு கிட்டவில்லை. முடிந்தால் அந்த தளத்தை சென்று பார்வையிட்டு நீங்களே இந்த டவுட்டை கிளியர் செய்து கொள்ளுங்கள்

நித்யானந்தா விவகாரம் வெடித்த போது எல்லா பத்திரிக்கைகளுமே அதை வைத்து கல்லா கட்டினார்கள். வலையுலகிலும் பலர் அதை வைத்து கும்மி அடித்தார்கள். அதில் முக்கியமான ஒரு கும்மி டுபாக்கூர் தமிழனுடையது. நித்யானந்தா எபிசோட் பற்றி அவர் எழுதும் போது. நித்யானந்தா லீலைகள் அடங்கிய சிடிகள் பல பத்திரிக்கைகளுக்கும் யாரோ ஒரு அனானியால் அனுப்பப்பட்டதாகவும் ஆனால் அதை வெளியிட பல பத்திரிக்கைகளும் தயங்கிய வேளையில் சன் டிவி முந்திக் கொண்டதாகவும் அதை தொடர்ந்து நக்கீரனும் அதை வெளியிட்டதாகவும் டுபாக்கூர் தமிழன் தன் தளத்தில் குறிப்பிட்டு இருந்தார், இதை தவிர அதில் வேறு ஏதேனும் அவர் குறிப்பிடவில்லை

இதே விஷயத்தை சவுக்கு தனது தளத்தில் விவரிக்கும் போது நித்யானந்தா சிடி சன் டிவிக்கு மட்டுமே கிடைத்ததாகவும் பின்னர் சன்னும் நக்கீரன் ஏதோ டீலிங் போட்டு நக்கீரன் தனது வலைப்பக்கத்தில் அதை வெளியிட்டதாகவும் விவரித்து இருக்கிறது. சவுக்கின் இந்த ரிப்போர்ட்டை பற்றி டுபாக்கூர் தமிழன் என்ன சொல்கிறார் என்று தெரியவில்லை

ஒரே விஷயத்தை பற்றி இரு தரப்பினர் இருவேறு விதமாக எழுதி இருக்கிறார்கள். அதிலும் குறிப்பாக சவுக்கு எல்லா விஷயங்களையுமே நக்கீரனை தொடர்புபடுத்தி எழுதிவருவது சவுக்கு தளத்துக்கு நக்கீரன் மீது ஏதோ காழ்ப்புணர்வு இருப்பது மிகவும் வெளிப்படையாக தெரிகிறது

சவுக்கு கைதுக்கு பின்னால் ஏதோ பத்திரிக்கை அரசியல் இருக்கிறது அதனால் தான் அவர் ஏதோ ஒரு காரணத்துக்காக கைது செய்யப்பட்டுள்ளார். இவை எல்லாவற்றையும் மறந்து அல்லது மறைத்து சவுக்கு தளத்தை சுற்றி புனித பிம்பம் கட்ட முயல்பவர்களின் கபடத்தனம் மிகவும் கண்கூடாக தெரிகிறது